ကျွန်တော် နှင့် အဖြူရောင်သံယောဇဉ်လေး

သာယာလှပတဲ့ဆောင်းတွင်းနံနက်ခင်းလေးတစ်ခုမှာပေါ့ ...
ကျွန်တော့်ဟာပျာယာခတ်စွာနိုးထလာပြီး ကွန်ပြူတာသင်တန်းသွားရန်ပြင်ဆင်လိုက်ပါတယ်။
ကျွန်တော်သင်တန်းကိုရောက်တော့ အနည်းငယ်နောက်ကျနေပါပြီ။
သင်တန်းမှာ using internet & chatting အကြောင်းကိုဆရာမကသင်ပေးနေတာပေါ့။
ကျွန်တော်လည်းသင်တန်းကလုပ်ထားပေးတဲ့ gmail account ကိုဖွင့်လိုက်ပါတယ်။
account ထဲမှာတော့ တစ်ယောက်မှမရှိဘူးဖြစ်နေတယ်။
ဒါနဲ့ဆရာမက လေ့ကျင့်ရအောင်ဆိုပြီး ရှေ့ဆုံးမှာထိုင်နေတဲ့အစ်မတစ်ယောက်ရဲ့ account ကို add လုပ်ခိုင်းတာနဲ့
ကျွန်တော်လည်း add လုပ်လိုက်ပါတယ်။ဇာတ်လမ်းကအဲဒီမှာစပါလေရော .......
ဆရာမကဘယ်လိုအသုံးပြုရမယ်ဆိုတာကိုပြောပြပြီး လက်တွေ့လေ့ကျင့်ဖို့ပြောပါတယ်။
ကျွန်တော်လည်း ခုနက add ထားတဲ့ မမ နဲ့စကားစမြည်ပြောကြည့်တာပေါ့
ကျွန်တော်ပြောနေတုန်းမှာ အဲဒီမမရဲ့ account ကိုတခြားသူတစ်ယောက်က အသုံးပြုနေပါတယ်။
ကျွန်တော်လည်း အခုမှစပြီးသင်နေတုန်းဆိုတော့ သိပ်ပြီးနားမလည်ဘူးလေ။
အဲဒီမမလို့ထင်ပြီးပြောနေတာပေါ့။ နောက်တော့မှ တစ်ခြားနိုင်ငံကကောင်လေးတစ်ယောက်က၀င်ပြောနေတယ်ဆိုတာကို
သိလိုက်ရတယ်။နောက်နေ့မှာတော့ အဲဒီကောင်လေးက သူ့ရဲ့ account နဲ့ လာအပ်တာပေါ့။
ကျွန်တော်လည်း ဆရာမပြောတာကိုနားထောင်ရင်း သူနဲ့ chat နေတာပေါ့။
စပြီးပြောခါစ ကိုယ်နဲ့လည်းမသိဆိုတော့ ပြောစရာစကားမရှိဘူးဖြစ်နေတယ်။
ကျွန်တော်က အခုမှစပြီးသင်ခါစဆိုတော့ပိုလို့တော်မပြောတက်ဘူးဖြစ်နေတာပေါ့။
ဒီလိုနဲ့ သင်တန်းပြီးတော့သူနဲ့ စကားပြောဖြစ်ပါသေးတယ်။
ကျွန်တော်ကလည်း ဘောက်ဆက်ဆက် ၊ သူကလည်းဘာမှသိပ်မပြော။
တစ်ယောက်နဲ့တစ်ယောက် ကြည့်မရဖြစ်နေကြတာပေါ့။
ဒါပေမယ့် chatting ရဲ့သဘောတရားတွေကိုတော့သင်ပေးပါတယ်။ကျွန်တော့်ရဲ့ အဝေးဆရာလို့ပြောရင်လည်း မမှားပါဘူး။
မကြာခဏ စကားပြောရင်းနဲ့ အချိန်ကြာလာတော့ သူနဲ့ နည်းနည်းရင်းနှီးလာခဲ့ပါတယ်။
သူ့ရဲ့သူငယ်ချင်းတွေနဲ့လည်း မိတ်ဆက်ပေးပါတယ်။ သူ့ရဲ့သူငယ်ချင်းတွေကတဆင့် ၊ နောက်ပြီး သူ့ရဲ့ကူညီမှုတွေနဲ့
ကျွန်တော်ဟာ chatting ရဲ့သဘောတရားတွေကို နားလည်စပြုလာပါတယ်။အရင်တုန်းကဆိုရင် i နဲ့ u လို့ဘဲ ပြောတယ်။
သူ့ကိုရင်းနှီးလာတဲ့အခါမှာ အစ်ကို လို့ခေါ်ပါတယ်။ ပထမတုန်းကတော့ နံမည်မသိတဲ့ ယောက်ျားလေးတစ်ယောက် ၊
ကိုယ်ထက်လည်း အသက်ကြီးတယ်ဆိုတော့ လွယ်လွယ်နဲ့ အစ်ကို လို့ခေါ်လိုက်တာပါ။ ပိုပြီးရင်းနှီးလာတဲ့အခါကျတော့
ကိုယ့်ထက်လည်း အသက်ကြီး ၊ သင်ပြမှုလေးတွေလည်းရှိ ၊ နောက်ပြီး သူများတွေထက်လည်း ပိုခင်လို့ အစ်ကိုအရင်းသဖွယ်
တလေးတစားနဲ့ အစ်ကိုလို့ခေါ်တာပါ။ အစ်ကိုက သူများတွေနဲ့ မတူတာအမှန်ပါပဲ။
အစ်ကိုဟာ ကျွန်တော်နဲ့ ကြာလာလေလေ ပိုပြီးခင်မင်လာလေဖြစ်လာပါတယ်။
တစ်နေ့မှာ ကျွန်တော်လည်းနည်းနည်းပျင်းနေတာနဲ့ သူငယ်ချင်းနဲ့အတူ အင်တာနက်ဆိုင်ကိုသွားဖြစ်ခဲ့ပါတယ်။
အစ်ကိုဟာ ကျွန်တော်ရဲ့ပုံကိုတစ်ခါမှမမြင်ဖူးပါဘူး။ အဲဒီနေ့မှာတော့ ကျွန်တော့်ကို ဓါတ်ပုံပြရန်တောင်းဆိုပါတယ်။
ဘယ်သူ့ကိုမှမပြဘူးတဲ့ ကျွန်တော့်ရဲ့ ရုပ်ဆိုးလှတဲ့ပုံကိုကြည့်ချင်လေရဲ့ဗျာ။
ကျွန်တော်လည်း သဘောတူလိုက်ပြီး ပြမယ်လုပ်နေတုန်းမှာ အစ်ကိုဟာ ကိစ္စတစ်ခုရှိတာကြောင့်
ကျွန်တော်နဲ့ဆက်မပြောနိုင်ဘဲ ထွက်သွားခဲ့ပါတယ်။ ကျွန်တော်လည်းမပြလိုက်ရသလို
စိတ်ထဲမှာလည်း ၀မ်းနည်းသွားခဲ့မိပါတယ်။ ဘာအကြောင်းကြောင့်ရယ်တော့ မသိဘူး အစ်ကို့ ကို
ကျွန်တော့် ရဲ့ဖုန်းနံပါတ်ကိုပေးမိခဲ့ပါတယ်။ ကိုယ့်ကိုယ်ကို ရူးနေပြီလားလို့တောင်ထင်ခဲ့မိပါတယ်။
အင်တာနက်စသုံးကတည်းက ကိုယ့်ရဲ့လိပ်စာအမှန်နဲ့ဖုန်နံပါတ်ကိုပေးဖို့ မရည်ရွယ်ခဲ့ပါဘူး။
ဒါပေမယ့် အမှတ်တမဲ့ပါဘဲ အစ်ကို့ကိုဖုန်းနံပါတ်ပေးမိခဲ့တယ်လေ။ ကျွန်တော့်ဆီဖုန်းဆက်မယ်လို့ ပြောပါတယ်။
ဘယ်အချိန်ဆက်ရမလဲမေးတော့ လွယ်လွယ်ကူကူပင် ည (၆) နာရီလို့ပြောလိုက်ပါတယ်။
ကျွန်တော်မမျှော်လင့်ပါဘူး။ ဘာလို့လဲဆိုတော့ အင်တာနက်မှာသိတဲ့လူတစ်ယောက်က ကိုယ့်ဆီကို
ဘာလို့မှတ်မှတ်ရရ ဖုန်းဆက်မှာလဲလို့ပေါ့။ ကိုယ်ကိုယ်တိုင်လည်း သူများတွေက ဖုန်းနံပါတ်ပေးပြီး
ဆက်ပါလို့ပြောရင် ဘယ်တုန်းကမှ မဆက်ခဲ့ဖူးပါဘူး။ ဒါပေမယ့် ညရောက်တော့ အစ်ကို့ဆီကဖုန်းလာပါတယ်။
ကျွန်တော် အရမ်းအံ့ဩသွာပါတယ်။ ၀မ်းလည်းသာပါတယ်။ အဲဒီတုန်းက ဖုန်းနံပါတ်က ရန်ကုန်ဖုန်းနံပါတ်နဲ့
ပေါ်ပါတယ်။ ကျွန်တော်လည်း နည်းနည်းတော့ သံသယ ၀င်သွားပါသေးတယ်။ အွန်လိုင်းမှာ လူတွေဟာ
အနည်းနဲ့အများတော့ လိမ်တာလေးတွေရှိပါတယ်။ ဒီကိစ္စမှာတော့ အစ်ကိုမလိမ်ခဲ့ပါဘူး။ မြန်မာပြည် မဟုတ်တဲ့
တစ်ခြားတစ်နေရာက ဆက်နေတာပါ။
နောက်ပိုင်းမှာ အစ်ကိုနဲ့ သိပ်မတွေ့ဖြစ်တော့ပါဘူး။ တစ်လလောက်ရှိမယ်လို့ ကျွန်တော်ထင်တယ်။
ကျွန်တော် CA စာမေးပွဲရှိနေလို့ပါ။ စာမေးပွဲကြေးက အနည်းငယ်မြင့်တာကြောင့် မဖြစ်မနေ စာကြည့်ရတာပေါ့။
ကျွန်တော်စခန်းသွင်းစာကြည့်နေတုန်း အစ်ကိုက ကျွန်တော့်ဆီကို မကြာခဏ ဆိုသလို ဖုန်းဆက်ပါတယ်။
အောင်စာရင်းထွက်လို့ ၀မ်းသာတဲ့ အခါ ၊ စာကြည့်ရင်း မောလို့နားနေတဲ့အခါ ၊ တစ်ခုခုကြောင့် ၀မ်းနည်း ၀မ်းသာ
ဖြစ်နေတဲ့အခါမျိုးမှာ အစ်ကို့ကို ကျွန်တော်သတိရတက်ပါတယ်။ ကျွန်တော့်ရဲ့ အစ်ကိုအရင်းတစ်ယောက်လိုပါပဲ။
တစ်နေ့မှာ အစ်ကိုရဲ့ account password ကိုတောင်းကြည့်မိတယ်။ ကျွန်တော်က အကြောင်းတစ်ခုခုပြပြီး
ငြင်းမယ်ထင်ထားတာပေါ့။ ဒါပေမယ့် အစ်ကိုက ကိုယ့်ကိုယ်ကို လူဆိုးမလေးပါရှင် လို့ပြောရင်ပေးမယ်တဲ့။
ကျွန်တော်လည်း ပြောလိုက်ရော တကယ်ပေးသဗျ။ အဲဒါနဲ့ ကျွန်တော်လည်း အစ်ကို့ account ကိုဖွင့်ကြည့်ဖြစ်ပါတယ်။
ကျွန်တော်ထင်ထားတာနဲ့ နည်းနည်းကွာနေတယ်။ account ထဲမှာ လူတွေအများကြီးရှိမယ်ထင်ထားတာ။
ကောင်လေးတော်တော်များများက ဒီလိုပဲလေ။ သူကထင်သလောက်မဆိုးပါဘူး။ ကျွန်တော်တွေ့သမျှသူတွေထဲမှာတော့
အစ်ကိုကတော်တော်ကောင်းပါတယ်။ သိုးအရေခြုံထားတဲ့ မြေခွေးလား ဒါမှမဟုတ် ဘီလူးခေါင်းနဲ့ မင်းသားလေးလား
တော့မသိပါဘူး။ ကျွန်တော်နဲ့ အစ်ကိုက ရှေးရေစက်လားတော့မသိပါဘူး။ ကျွန်တော့်ဖေဖေ နဲ့ အစ်ကို့ရဲ့ဖေဖေက
ဝန်ကြီးဌာနတစ်ခုတည်းမှာ တာဝန်ထမ်းဆောင်နေသူတွေဖြစ်နေပါတယ်။ ဖေဖေတာဝန်ကျတုန်းက ကျွန်တော်သွားခဲ့တဲ့
နေရာတိုင်းမှာ အစ်ကို့ခြေရာတွေ ရှိနေတက်တာကိုပါ အံ့ဩမိတယ်ဗျာ။
တစ်နေ့ အစ်ကိုကကျွန်တော့်ဆီ ညအချိန်မတော် ဖုန်းဆက်လာပါတယ်။ ကံဆိုးတာက ကျွန်တော် အဲဒီနေ့အိမ်မှာ
မရှိပါဘူး။ ဖေဖေကလည်း တာဝန်နဲ့ အိမ်ကိုပြန်ရောက်နေတဲ့အချိန်ပေါ့။ ည ၁ နာရီမှာဖုန်းဆက်တယ်ဆိုတော့ အိပ်နေတဲ့
ဖေဖေနဲ့မေမေ နိုးသွားပါလေရောဗျာ။ ဖေဖေမကြိုက်ဆုံးက ညအိပ်နေချိန် ဖုန်းလာတာပါ။ အစ်ကိုက ဘာလို့လဲတော့မသိဘူး
မနက်ကိုတစ်ခါထပ်ပြီးဆက်ပါတယ်။ ဖေဖေနဲ့တွေ့ပါလေရော။ ယောက်ျားလေးသူငယ်ချင်း မရှိတာကို ဖေဖေ ကသိနေတော့
ကျွန်တော်ပြန်ရောက်ရောက်ချင်း သမီးလာပါအုံး ဆိုပြီး မေးပါလေရော။ ဒါနဲ့ ကျွန်တော်လည်း ဘယ်လိုသိခဲ့တယ်
ဆိုတဲ့အကြောင်းကိုပြောပြလိုက်ပါတယ်။ အဲဒီနေ့မှာ ကျွန်တော်ကောင်းကောင်းအဆူခံလိုက်ရတယ်။
ဖေဖေ့ကိုလည်း အပြစ်မပြောလိုပါဘူး။ ဘယ်မိဘမှ ကိုယ့်သားသမီးကို အပေါင်းအသင်းမမှားစေချင်ကြပါဘူး။
စိုးရိမ်တက်ကြတယ်လေ။ ကောင်းဆုံးတွေထဲက အကောင်းဆုံးတွေ ဖြစ်စေချင်ကြတာချည်းပါပဲ။ အဖေဆိုတာက သမီးတွေကို
ပိုလို့တောင်စိတ်ပူတက်ကြပါတယ်။ အဖေတွေအစ်ကိုတွေဟာ ဒီလိုပါပဲ။ ကိုယ့်သမီး ကိုယ့်ညီမတွေကို
ဘယ်ယောက်ျားလေးနဲ့မှ မပတ်သက်စေချင်ကြပါဘူး။ လူဆိုတာ ခြောက်ပြစ်ကင်းသဲလဲစင်တော့ဘယ်ရှိမလဲ။ ဒါပေမယ့်
အစ်ကိုဟာ ဖေဖေထင်ထားတဲ့ လူစားမျိုး မဟုတ်ဘူးလို့ယုံပါတယ်။ ကျွန်တော့်ရဲ့ ယုံကြည်ချက်ကို အလွဲသုံးစားမလုပ်ဘူးလို့လဲ
ထင်ပါတယ်။
မေမေကတော့ ကျွန်တော့်အပေါ် နားလည်မှုရှိပါတယ်။ အသက် နှစ်ဆယ်ထိ ယုံကြည်အောင်နေပြခဲ့တော့
သိပ်ပြီးပြဿနာမရှိပါဘူး။ တကယ်ဆို အစ်ကိုကအတာပါ။ (ကျွန်တော်က မေသက်နွယ်ရဲ့အစ်ကိုသူငယ်ချင်းပါ ၊
သူ့ကိုမေးစရာရှိလို့ပါ ၊ သူပြန်လာရင် ကျွန်တော်ဖုန်းဆက်တယ်လို့ပြောပေးပါ ဦးလေး ဒါမှမဟုတ် အန်တီပေါ့။)
ဖေဖေနဲ့မေမေ မမေးခင်ကတည်းက လိမ်မာပါးနပ်စွာပြောလိုက်ပေါ့။ လိမ်တာလည်းမဟုတ် ညာတာလည်း မကျအောင်
ပြောလို့ရတဲ့နည်းတွေအများကြီးပါ။ သူ့အတွက်လည်းကောင်း ကျွန်တော်လည်း အဆူမခံရအောင်ပေါ့။
အခုတော့အဲဒီလိုမဟုတ် ကျွန်တော်ကိုကကံဆိုးတာပါလို့ပဲ မှတ်လိုက်ရတာပေါ့ဗျာ။
ညရောက်တော့မှ အစ်ကိုကဖုန်းထပ်ဆက်ပါတယ်။ သူဖုန်းဆက်တော့မှ အားလုံးရှင်းသွားပါတော့တယ်။
ကျွန်တော့်ကို ညဘက်ကြီး အွန်လိုင်းမှာတွေ့ပြီးသူ့ကိုစကားပြန်မပြောတော့ ကျွန်တော်ကစိတ်ကောက်ပြီးစကားပြန်မပြော
တာလို့ထင်ပြီးဖုန်းဆက်လိုက်တာတဲ့လေ။ တိုက်တိုက်ဆိုင်ဆိုင် အဲဒီနေ့မှာ အစ်ကိုက ကျွန်တော်ကို စိတ်ဆိုးအောင်လုပ်ထား
တာကိုး။ ဖြစ်မှဖြစ်ရလေ အစ်ကိုရယ် ............
အဲဒီနေ့ညမှာ ညီမလေးက အွန်လိုင်းမှာမရှိပါဘူး။ နေ့လည်ကဆိုင်မှာ account ကိုပိတ်ဖို့ မေ့ခဲ့တာဖြစ်မှာပါ။
ညီမလေးက ညအချိန်မတော်ကြီး အင်တာနက်ဆိုင်မှာ ဘယ်ရှိပါ့မလဲ အစ်ကိုရာ။ အဲဒီနေ့လည်က အစ်ကိုပဲ ညီမကို
စိတ်ဆိုးအောင်လုပ်သွားပြီးတော့။ နောက်တော့ဘယ်လိုဖြစ်သွားရတာလဲ။ သည်းကြီးမည်းကြီးဘဲ။ အဲဒီနေ့က ညီမလေး
အရမ်းစိတ်ဆိုးတယ်သိလား ? စိတ်တိုလွန်းလို့ စာတောင်မသင်နိုင်ဘူး။ အစ်ကိုကညီမလေးစိတ်ဆိုးမှာတော့ကြောက်တက်သား
ပဲနော် .......
ကျွန်တော်တို့က တစ်ယောက်နဲ့တစ်ယောက် စိတ်တိုတယ်သာပြောတာပါ မခေါ်ဘဲနေနိုင်လားဆိုတော့လည်း
မနေနိုင်ပါဘူး။ ရယ်တော့ရယ်ရတယ်နော်။ စိတ်ဆိုးလိုက်ပြန်ခေါ်လိုက်နဲ့ ကလေးတွေကျနေတာဘဲ။ အစ်ကို့အပေါ်မှာဆို
ကျွန်တော်ဟာ ပိုလို့တောင် ကလေးဆိုးဆိုးတက်ပါတယ်။ ဘာလို့လဲတော့မသိပါဘူး။ အစ်ကိုကလည်း အလိုလိုက်ရှာပါတယ်။
သူ့မှာညီမအရင်းရှိပုံမရပါဘူး။ ကျွန်တော့်မှာသာ အစ်ကိုအရင်းတစ်ယောက်ရှိတာပါ။ ကျွန်တော့်အတွက်တော့
နောက်ထပ်အစ်ကိုတစ်ယောက်ကို ဘုရားသခင်က ပေးသနားလိုက်သလိုပါပဲ။ အစ်ကိုအရင်းရှိပေမယ့် နောက်ထပ် လိုချင်
နေမိသူပါ။ အစ်ကိုတွေက ၀ိုင်းပြီးချစ်ကြတာကို လိုချင်မိပါတယ်။ အစ်ကိုတွေရှိတာဟာ လုံခြုံတယ်လို့လဲခံစားရပါတယ်။
မေမေက ကလေးချစ်တက်ပေမယ့် ကံတရားကမပေးခဲ့ပါဘူး။ အခြေအနေအရ သားအိမ်ထုတ်ပစ်လိုက်ရတယ်လေ။
ဒါကြောင့် ကျွန်တော်တို့မှာ မောင်နှမနှစ်ယောက်ထဲဖြစ်နေတာပေါ့။ အစ်ကို (မွေးစားအစ်ကို) ကိုတော့ အွန်လိုင်းမှာ
တွေ့ခဲ့ကြတယ်ဆိုပေမယ့် ကျွန်တော့်ရဲ့ အစ်ကိုအရင်းလိုပါပဲ။ အွန်လိုင်းမှာ တစ်ဦးတည်းသော ကျွန်တော့်ရဲ့
အတွယ်တာရဆုံးသူပါ။ အစ်ကို့ကိုဆိုရင် အားလုံးကို ပွင့်ပွင့်လင်းလင်းပြောဖြစ်ပါတယ်။ ဘယ်သူ့ကိုမှ အဲဒီလောက်
မပြောဖြစ်ပါဘူး။ ကျွန်တော်ကသာ ပြောပြရတာပါ။ သူကျတော့ဘာမှမပြောပြတက်ဘူး။ သူတက်တာတစ်ခုပဲရှိတယ်။
ဘာလဲဆိုတော့ ( အစ်ကိုမှမပြောတက်တာတဲ့ )။ အဲဒီစကားတစ်ခွန်းပဲသူပြောတက်တယ်။ ကျွန်တော်ကတော့
သာလိကာမလေးကျနေတာဘဲ။ သူများတွေနဲ့ဆို ကျွန်တော်ကပဲ နားထောင်ပေးရတာ။ နဂိုကမှ အမောမခံနိုင်ပါဘူးဆိုမှ
သူနဲ့ကျမှ အမောဆို့ပြီးသေအောင်သတ်နေတာလားမသိဘူး။ တစ်ခါတစ်လေဆို ကိုယ်ကချည်းပဲ ပြောနေရလို့
အရမ်းစိတ်တိုမိတယ်။ အခုရေးနေရင်းနဲ့တောင် စိတ်ကတိုလာပြီ။ သူကျတော့ စကားလည်းမပြောတက် ၊
ခံစားချက်လည်းမရှိတဲ့ သက်မဲ့ကျောက်ရုပ်ကြီးအတိုင်းပဲ။ မေ့တက်လိုက်တာကလည်း လွန်ရောဗျာ။ ဒါကိုတောင်
ကျွန်တော်က ဘာလို့ခင်နေမိရတာလဲမသိဘူး။ တစ်ခါတစ်လေ ကိုယ့်ကိုယ်ကို ပြန်မေးမိတယ်။ အမှတ်တမဲ့ ကနေ
ဘာလို့ အမှတ်တရဖြစ်သွားရတာလဲ ၊ ဘာကြောင့် ဒီလောက်ထိခင်သွားရလဲပေါ့။ ကျွန်တော်လည်း မဖြေတက်ဘူးဗျ။
အစ်ကိုလည်းဖြေတက်မှာမဟုတ်ပါဘူး။
အင်း... ပြောရအုံးမယ်။ အစ်ကို့မှာ ကျွန်တော်နဲ့ တန်းတူ ၊ အဲ.... ကျွန်တော်ထက်ပိုချင်ပိုလိမ့်မယ်။
သေချာပေါက်ကိုပိုပါလိမ့်မယ့် ခင်တွယ်ရသူ မမ တစ်ယောက်ရှိပါသေးတယ်။ ကျွန်တော်ကတော့ အွန်လိုင်းမှာ သူနဲ့
တန်းတူခင်ရတဲ့သူဆိုတာ မရှိပါဘူး။ မောင်လေးလည်းမရှိဘူး ၊ အစ်ကိုလည်းမရှိဘူး ၊ မမလည်းမရှိဘူး ၊ ညီမလေးလည်း
မရှိဘူး။ ဘာကြောင့် ဘာကြောင့်လဲ ? သိရင်ဖြေပေးကြပါနော်။ အစ်ကို့ကို ကျွန်တော်တစ်ယောက်ထဲမပိုင်ဘူးဖြစ်နေတယ်။
ကျွန်တော်က အတ္တတော့ကြီးတယ်။ ကျွန်တော့်ထက် တခြားတစ်ယောက်ကို ပိုခင်တာမျိုးကိုမလိုချင်ဘူး။ ကျွန်တော်
ခင်တဲ့သူဆိုရင် အရမ်းကိုအူတိုတက်တယ်။ ယောက်ျားလေးဖြစ်ဖြစ် ၊ မိန်းခလေးဖြစ်ဖြစ်။
ကျွန်တော့်မှာ အခင်ဆုံးသူငယ်ချင်း နေခြည် ဆိုတာရှိပါတယ်။ သူ့ကိုလည်း သူများတွေနဲ့မပေါင်ရဘူး ၊
ရည်းစားမထားရဘူး လို့မပြောပါဘူး။ ဒါပေမယ့် ကျွန်တော်နဲ့ရှိနေချိန်မှာ ဘယ်သူ့ကိုမှအရေးပေးတာကိုမကြိုက်ပါဘူး။
သူကလည်း သူ့ရဲ့ဖေဖေရောက်နေတာကိုတောင် ကျွန်တော်နဲ့လိုက်ပေးရှာသူပါ။ ကျွန်တော့်ကိုလည်း အရမ်းချစ်ရှာပါတယ်။
ကျွန်တော်ကလည်း အရမ်းနိုင်စားတက်သူပါ။ နောက်ပိုင်းမှာတော့ အားလုံးကို နားလည်ပြီး သဘောထားကြီး နိုင်ဖို့
ကြိုးစားကြည့်ပါတယ်။ အစ်ကို့ကိုလည်း မမနဲ့ပတ်သက်ပြီး ဘာကိုမှမပြောမိအောင်နေပါတယ်။ တစ်ခါတလေဆို
သူများတွေထက်တောင် ပိုလို့နားလည်ပေးနေမိပါသေးတယ်။ ကျွန်တော့်ကို အစ်ကိုက photoshop နဲ့လုပ်ထားတဲ့ ဓါတ်ပုံ
(မင်္ဂလာဆောင်ပုံ) ကိုပြတယ်။ သူ့ရဲ့ မင်္ဂလာဆောင်ဆိုပြီးတော့ပေါ့။ ကျွန်တော် ဘယ်လိုမှမနေခဲ့ပါဘူး။
သူ့မှာရှိချင်ရှိမှာပေါ့ လို့ပဲသဘောထားခဲ့ပါတယ်။ စိတ်တိုသွားတာမျိုးတော့ မရှိခဲ့ပါဘူး။ ဘာလို့လဲဆိုတော့ အစ်ကို့ကို
ခင်တာ လူပျိုမှရယ်လို့ ခင်ခဲ့တာမှမဟုတ်တာ။ အစ်ကို့မှာ မိန်းမပဲရှိရှိ ၊ မုဆိုးဖိုပဲဖြစ်ဖြစ် ၊ ကလေးအဖေပဲဖြစ်ဖြစ်ပေါ့။
ဘယ်အချိန် ဘယ်နေရာမှာ ဘာပဲဖြစ်နေဖြစ်နေ အစ်ကိုဟာ ကျွန်တော့်ရဲ့အစ်ကိုပါပဲ။ ဒီအဖြူရောင်သံယောဇဉ်လေးဟာ
ဘယ်တော့မှ ပျောက်ပျက်သွားမှာမဟုတ်ပါဘူး။ အစ်ကိုဟာ ဘုရားသခင်က ကျွန်တော့်ရဲ့ဆုတောင်းကိုပြည့်ဝအောင်
မွေးဖွါးဖန်ဆင်းပေးသနားတော်မူလိုက်တဲ့ ကျွန်တော့်ရဲ့အစ်ကိုတစ်ယောက်ပါ။ အမိတစ်ဝမ်းတည်းက မွေးဖွါးလာသူတွေ
မဟုတ်ပေမယ့် ကျွန်တော့်ရဲ့အစ်ကိုပါပဲ။ ကျွန်တော့်ရဲ့မွေးနေ့မတိုင်ခင်မှာ အစ်ကိုက ကျွန်တော့်ကို စာတစ်စောင်နဲ့
flash drive လေးတစ်ခုလက်ဆောင်ထည့်ပေးလိုက်လို့ ကျွန်တော်အရမ်းဝမ်းသာသလို ကျေးဇူးလည်းတင်ပါတယ်။
ကျွန်တော့်ကိုမှတ်မှတ်ရရရှိပေးလို့ပါ။ အစ်ကို့လိုမေ့လွယ်တဲ့သူက အမှတ်ရဖို့ဆိုတာမလွယ်ဘူးလေ။
အင်း....... ကျွန်တော့်ကွန်ပြူတာထဲမှာတော့ အစ်ကို့ဓါတ်ပုံတွေနဲ့ပြည့်နေတော့တာပါဘဲ။
ကျွန်တော့်ကွန်ပြူတာလို့သာပြောရတာ ကျွန်တော့်ဓါတ်ပုံတောင် တစ်ပုံတောင်မရှိပါဘူး။ အခုတော့ ကွန်ပြူတာက
အစ်ကို့ရဲ့ကွန်ပြူတာတပိုင်းဖြစ်နေပါပြီဗျာ။ ကျွန်တော့်ဆီမှာ ယောက်ျားလေးတစ်ယောက်ရဲ့ဓါတ်ပုံတွေ
ဒီလောက်အများကြီး ရှိနေခဲ့လိမ့်မယ်လို့ တစ်ခါမှမစဉ်းစားခဲ့မိဘူးဗျာ။
ကျွန်တော်သိချင်တာလေးတစ်ခုတော့ရှိသေးတယ်။ သိရမှာကိုလည်းစိတ်ပူမိတယ်။ သိကြရင်လည်း ဘယ်တော့မှ
မပြောပြကြပါနဲ့နော်။ ဘာကိုလဲဆိုတော့ ကျွန်တော်တို့နှစ်ယောက်ရဲ့ခင်မင်မှု သံယောဇဉ်ကြိုးလေး ဘယ်လောက်ထိခိုင်မာပြီး
ဘယ်လောက်ထိတာရှည်ခံမလဲဆိုတာကိုပေါ့။ ဘုရားသခင်တောင် ထာဝရ မတည်မြဲနိုင်တဲ့လောကကြီးမှာ
ကျွန်တော်တို့နှစ်ယောက်ရဲ့ အဖြူရောင်သံယောဇဉ်လေး အကြောင်းတစ်ခုခုကြောင့် ပျက်စီးသွားမှာကို စိုးရိမ်ရင်း
ရင်လေးမိတယ်ဗျာ။ ဆယ်ဘီးကားကြီးတက်ဖိလိုက်သလိုကို ရင်လေးမိပါတော့တယ်။ ။

account

uRefawmfoifwef;udka&mufawmU
သာယာလှပတဲ့ဆောင်းတွင်းနံနက်ခင်းလေးတစ်ခုမှာပေါ့ ...
ကျွန်တော့်ဟာပျာယာခတ်စွာနိုးထလာပြီး ကွန်ပြူတာသင်တန်းသွားရန်ပြင်ဆင်လိုက်ပါတယ်။
ကျွန်တော်သင်တန်းကိုရောက်တော့ အနည်းငယ်နောက်ကျနေပါပြီ။

အကြိုက်ဆုံး သီချင်းလေးပေါ့

ဝေဟင်မှာပျံကာဝဲမယ် မင်းနဲ့တို့နဲ့နှစ်ယောက်ထဲပေါ့
အပြစ်တင်မယ့် လူတွေကြားက လွတ်အောင်ရုန်းလို့
ယုံကြည်စွာအတူပျံသန်းရင်း တို့နှစ်ယောက်ဘ၀တွေတည်ဆောက်ကြမယ်
အားလုံးခွဲလည်း မခွဲတော့ဘူး........
ဗီးနပ်စ်က၀မ်းနည်းလို့အတောင်ပံတွေပေးလိမ့်မယ်
မိုးသားနဲ့ကောင်းကင်ကြီးထဲ အတူဝဲလိုက်ကြစို့......
ပင်လယ်ပြာတောင်တွေကိုဖြတ်ကာ
တေးသွားလေးတွေသီကျူးရင်း.......
ယုံကြည်စွာထာဝရမခွဲဘဲ တို့ရဲ့လက်တွေခိုင်မြဲလျှက်
မုန်းခြင်းတရားတွေကွယ်ပျောက်စေ
ဝေဟင်မှာပျံကာဝဲစို့ တို့ရဲ့အချစ်တွေရင်ထဲထည့်လို့
နောက်ကွယ်က လူတွေပြောလည်း ပြောချင်စမ်းတော့
ကြင်နာသူနင်သာရှိရင် ငြိမ်းချမ်းသွားမယ်တစ်သက်လုံးပေါ့
ခွဲခြားလို့လည်းမရတော့ဘူး....
((ဗီးနပ်စ်က၀မ်းနည်းလို့အတောင်ပံတွေပေးလိမ့်မယ်
မိုးသားနဲ့ကောင်းကင်ကြီးထဲ အတူဝဲလိုက်ကြစို့......
ပင်လယ်ပြာတောင်တွေကိုဖြတ်ကာ
တေးသွားလေးတွေသီကျူးရင်း.......
အချစ်သက်သေတွေတည်ဆောက်မယ်.......))
ဟူး...................